Peja triumfon ndaj Proton Cable Prizrenit me rezultat bindës

20:59 | 7 Janar 2024
D.H

Peja ka arritur të siguroj një tjetër fitore në kuadër të Superligës së Kosovës në Basketboll duke mposhtur PC Prizrenin me rezultat 111-93.

Pejanët ishte në epërsi gjatë gjithë kohës në ndeshje derisa epërsia shkoi edhe në 24 pikë, shkruan Arbresh.info.

Mirëpo kjo epërsi u shkri në çerekun e tretë kur Prizreni u rikthye në ndeshje fuqishëm dhe rezultati pas këtij çereku ishte vetëm pesë pikë epërsi për pejanët.

Në çerekun e fundit më të saktë u treguan kampionat duke arritur të shënjojnë fitoren e 12 këtë edicion në elitë dhe të parën për vitin 2024.

Justin Davis luajti me 30 pikë, 12 kërcime e katër asistime, që ishte më i miri në ndeshjen dhe më meritori për këtë fitore.

Peja është e dyta në tabelë me 12 fitore e katër humbje, kurse Prizreni është në vendin e gjashtë me pesë fitore e 11 humbje.

Ndeshjen e radhës Peja e luan në “Karagaç” ndaj Trepçës që prinë në tabelë, kurse Prizreni udhëton në Gjakovë për t’u ndeshur me Vëllaznimin./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm